પ્રતીકાત્મક તસ્વીર

દાહોદના ઇન્દોર રોડ ઉપરથી એક જ રાતમા 3 બાઇક તેમજ ઝાલોદમાંથી બે બાઇક ચોરીની ફરિયાદ પોલીસ ચોપડે નોંધાઇ હતી. દાહોદના ઇન્દોર રોડ ઉપર આવેલા બાપુનગરમાં રહેતા અને મુળ મહારાષ્ટ્રના કલ્યાણના પ્રજ્વલ નરેન્દ્ર પોતાની બાઇક ઓફીસ આગળ તથા બાપુનગરમાં જ રહેતા ઉત્કર્ષસિંગ લબાનાએ બાઇક તેમના પાર્કિંગમાં અને ઇન્દોર રોડ ઉપર આવેલા પ્રસારણ નગરમાં રહેતા અને મુળ સુરતના જયેશ તરૂણકુમાર સેવકે બાઇક સ્ટેરિંગ લોક મારી પાર્ક કરી હતી. રાત્રીના સમયે આ ત્રણેય બાઇકોને નિશાન બનાવી ચોર ઇસમો ચોરી ગયા હતા.

સવારે ત્રણેને પોતાની બાઇક જોવા ન મળતાં આજુબાજુમાં શોધખોળ કરી હતી આ સંદર્ભે પ્રજ્વલ નરેન્દ્ર અમૃએ દાહોદ શહેર પોલીસ મથકે ફરિયાદ નોંધાવી હતી. તેમજ ઝાલોદ નગરની અષ્ટ વિનાયક સોસાયટી ખાતે રહેતાં રૂમાલભાઈ પ્રેમચંદભાઈ ડામોર અને તેમનાજ વિસ્તારમાં રહેતાં જગદીશભાઈ દ્વારકાભાઈ પ્રજાપતિની બાઇક પોતપોતાના ઘરના આંગણે લોક મારી પાર્ક કરી હતી. આ બંન્ને બાઇકને તસ્કરો ચોરી કરી લઈ ગયા હતાં. આ સંબંધે રૂમાલભાઈ પ્રેમચંદભાઈ ડામોરે ઝાલોદ પોલીસ મથકે ફરિયાદ નોંધાવતાં પોલીસે ગુનો નોંધી તપાસ હાથ ધરી છે.