પ્રતિકારત્મક તસ્વીર

દાહોદ જિલ્લાના દેવગઢ બારિયા તાલુકાના અંતેલા ગામના ટીનાબેન ભારતભાઇ વાદી ઉપર ડાકણનો વહેમ રાખી તે મારી છોકરીના છોકરાઓ ખાઇ ગયાના મુદ્દે પંચાણું ભેગુ કરવાના છે તેમ જણાવી તા.18-4-2017ના રોજ રાત્રીના 9 વાગ્યે ભથવાડા ટોલનાકા પાસે બોલાવતા ટીનાબેન તથા તેમના પતિ. સસરા અને સગાસંબંધીઓ ભથવાડા ટોલનાકા પાસે જતાં ગોલ્લાવ ગામના ચતુરભાઇ વાદી, રાજુ ચતુર માવી, સુમિત્રાબેન વાદી, રેખાબેન વાદીએ ભેગા મળી ટીનાબેન વાદીને બિભત્સ ગાળો બોલી તેમના પતિ ભારતભાઇ સાથે ઝપાઝપી કરી જાનથી મારી નાખવાની ધાકધમકી આપતા આ સંદર્ભે ટીનાબેને દેવગઢ બારિયા પોલીસ મથકે ચારેય હુમલાખોરો વિરૂદ્ધ ફરિયાદ નોંધાવી હતી. ત્યાર બાદ આ કેશ દેવગઢ બારિયા કોર્ટમાં ચાલી જતાં વકિલની ધારદાર દલીલોના આધારે મેજિસ્ટ્રેટ દ્વારા ચારેય 8 માસની કેદ તથા 1000ના દંડની સજા ફટકારવામાં આવી હતી.