ફતેપુરા લીમડીયા ગામ ના માનજીભાઈ જોતીભાઈ ગરાસીયા બુધવારના રોજ બપોરે ત્રણેક વાગ્યાના અરસામાં પોતાના ઘરે હતા. તે દરમિયાન ગામના એક ઈસમ સામે આવીને જણાવ્યું હતું કે ગામમાં પથ્થરની ખાણમાં એક ઇસમની લાશ પડી છે ચાલો આપણે જોવા જઈએ તેમ જાણ થતાં માનજીભાઇ ગામના આગેવાનોને સાથે લઈને લીમડીયા ગામે આવેલી ખાણ પર ગયા હતા.

ત્યાં ખાણ માં લાશ પડેલી જોવા મળી હતી. લાશ માનજીભાઈ એ જોતા તેમને તેમનો ભાઈ લાલસીંગ ભાઈ હોવાનું માલુમ પડ્યું હતું. લાશને બહાર કાઢતાં ગળામાં તેમજ કપાળના ભાગે ઈજાના નિશાન જોવા મળ્યા હતા લોહી પણ નીકળતું હોવાનું જોવા મળતા વિવિધ ચર્ચાએ જોર પકડ્યુ હતું.લાલસીંગની પત્ની પાંચેક વર્ષથી બાળકો સાથે પિયરમાં રહેતી હોવાથી લાલસીંગ દારૂની લતે ચડ્યો હોવાનું ફરિયાદમાં નોંધાવ્યું હતું.હાલ માનજીભાઇનીજાહેરાતના આધારે ફતેપુરા પોલીસે અકસ્માતે મોત અન્વયે ગુનો દાખલ કરી પોસ્ટ મોર્ટમની કાર્યવાહી હાથ ધરવામાં આવી છે.