દાહોદ શહેરના કસ્બા વિસ્તારમાં આજરોજ પોલીસે એક મકાનમાં ઓચિંતી તપાસ કરતાં એક વાછરડું કપાયેલી હાલતમાં મળી આવ્યું હતું. જ્યારે બીજુ એક જીવીત મળી આવતાં તેને નજીકની ગૌશાળા ખાતે મોકલી આપ્યું હતું. પોલીસને આવતી જોઈ ઘરધણી નાસી જવામાં સફળ રહ્યો હતો.

મકાનની તલાસી લેતાં તેમાંથી એક વાછરડું કપાયેલી હાલતમાં મળી આવ્યું

દાહોદ ગૌરક્ષક ટીમને મળેલી બાતમીના આધારે દાહોદ શહેર પોલીસને જાણ કરી સંયુક્ત ટીમે આજરોજ સવારના સમયે દાહોદ શહેરના કસ્બા વિસ્તાર ખાતે આવેલ એક રહેણાંક મકાનમાં ઓંચિતો છાપો મારવામા આવ્યો હતો. ત્યારે ગુલામગોશ ઉર્ફે (વકીલ) અબ્દુલ રજાક કુરેશી પોલીસને જોઈ નાસી જવામાં સફળ રહ્યો હતો. પોલીસે અને ગૌરક્ષકોની ટીમે તેના મકાનની તલાસી લેતાં તેમાંથી એક વાછરડું કપાયેલી હાલતમાં મળી આવ્યું હતું. જ્યારે એક જીવીત વાછરડાને બચાવી લઈ તેને નજીકની ગૌશાળા ખાતે મોકલી આપ્યું હતું. આ સંબંધે દાહોદ શહેર પોલીસે કાયદેસરની કાર્યવાહી પણ હાથ ધરી છે.