પ્રતિકાત્મક તસવીર

ગાંધીનગરના ધણપ ગામે રહેતા માતા-પિતા પાસે જવા માટે સુખસર સ્ટેશને વાહનની રાહ જોઇ ઉભેલી સગીરાને બનાસકાંઠાના ભાભર ગામનો યુવક પોતાનું પત્ની તરીકે રાખવા માટે અપહરણ કરી લઇ ગયો હતો. આ સંદર્ભે સગીરાના પિતાએ યુવક વિરૂદ્ધ સુખસર પોલીસ મથકે ગુનો નોંધાવ્યો હતો.

દાહોદ જિલ્લાના ફતેપુરા તાલુકાના એક ગામની 16 વર્ષ અને ચાર મહિનાની સગીરાને ગાંધીનગરના ધણપ ગામે ખેતર ભાગ રાખી કામ કરતાં તેના માતા-પિતા પાસે જવા માટે તેના કાકા સુખસર સ્ટેશન ઉપર મુકી ગયા હતા. તે દરમિયાન સવારે 11 વાગ્યાના અરસામાં બનાસકાંઠા જિલ્લાના ભાભર તાલુકાના વજાપુર ગામનો દશરત હમીર ઉર્ફે મીલખન ઠાકોર સગીરાનું પત્ની તરીકે રાખવા માટે અપહરણ કરી લઇ ગયો હતો. પરંતુ મોડે સુધી સગીરા નહી પહોંચતા પિતાએ શોધખોળ કરી હતી પરંતુ કોઇ પત્તો લાગ્યો ન હતો. શોધખોળ દરમિયાન ભાભર ગામનો દશરત હમીર ઉર્ફે મીલખન ઠાકોર પોતાની પત્ની તરીકે રાખવા માટે સગીરાનું અપહરણ કરી લઇ ગયો હોવાનું જાણવા મળ્યું હતું. જેથી સગીરાના પિતાએ સુખસર પોલીસ મથકે ફરિયાદ નોંધાવી છે.