દેવગઢ બારિયાના નગવાવ ગામમાં અમારા વિરોધીનું ખાતર તારા છકડામાં કેમ લાવ્યો તેમ કહી એકને માર મારતાં પાંચ વ્યક્તિઓ સામે સાગટાળા પોલીસ મથકે ગુનો નોંધાવ્યો હતો.પોલીસ સૂત્રો દ્વારા પ્રાપ્ત માહિતી અનુસાર, દેવગઢ બારિયા તાલુકાના નગવાવ ગામના મુકેશ અભેસિંગ પરમાર તથા રહેશ લક્ષ્મણ પરમાર બન્ને જણા પરશોત્તમભાઇ ફારમભાઇ પરમારના ઘરે જઇ અભેસિંગ સબુર પરમાર બોલાવે છે તેમ કહી તેમની સાથે મોટર સાયકલ ઉપર બેસાડી રોડ ઉપર લાવી તુ તારા છકડામાં અમારા વિરોધીનું ખાતર કેમ લાવ્યો તેમ કહી ગાળો બોલી અભેસિંગ પરમારે અને મનુ પરમારે બે ચાર ઝાડપો મારી તેમજ મુકેશ પરમારે નજીકમાં દોડી જઇ લોખંડની પાઇપ લઇ આવી પરશોત્તમભાઇને કમરમાં મારી નીચે પાડી દીધા હતા.

આ દરમિયાન લક્ષ્મણ સબુર પરમારે ગાળો બોલી તેમજ જાનથી મારી નાખવાની ધમકી આપતો દોડી આવ્યો હતો. તેમજ અભેસીંગ પરમારે નજીકમાંથી પથ્થર લઇ આવી કપાળમાં મારી લોહી કાઢી ઇજા પહોંચાડી તેમજ ગડદાપાટુનો માર માર્યો હતો. બીજી વાર તારા છકડામાં સામાન લાવીશ તો જાનથી મારી નાખી લાશ પણ નહી મળવા દઇએ તેવી ધમકીઓ આપી હતી. આ સંદર્ભે પરશોત્તમભાઇ ફારમભાઇ પરમરે સાગટાળા પોલીસ મથકે ફરિયાદ નોંધાવતાં પોલીસે ગુનો નોંધી કાર્યવાહી હાથ ધરી હતી.