દે.બારીયા નગરના બજારમાં ખરીદી કરવા ગયેલી ધાનપુર તાલુકાની કિશોરીનું લગ્ન ઇરાદે અપહરણ કરી જવાયુ હતું. શોધખોળ બાદ કિશોરીનો કોઇ જ પતો નહીં મળતાં અંતે પોલીસ મથકે ગુનો દાખલ કર્યો હતો. ધાનપુર તાલુકાની એક કિશોરી ગત તા.1 જાન્યુઆરી 2021ના રોજ સવારના નવ વાગ્યાના સુમારે પોતાના ઘરેથી દે.બારીયા બજારમાં ખરીદી કરવા ગઇ હતી.

તે વખતે દે.બારીયા બજારમાં આવેલા લીમખેડા તાલુકાના માંડલી ગામના નટવરભાઈ રમેશભાઈ પટેલીયા સગીરાનું અપહરણ કરી ગયો હતો. શોધખોળ બાદ પણ કિશોરીનો કોઇ જ પત્તો મળ્યો ન હતો. તપાસ દરમિયાન તેનું અપહરણ થયું હોવાની પરિવારને જાણ થઇ હતી. આ મામલે સમાજ રાહે નિકાલ કરવાનો પ્રયાસ કરવામાં આવ્યો હતો પરંતુ કોઇ પરિણામ આવ્યુ ન હતું. કિશોરીના પિતાએ ધાનપુર પોલીસ મથકે ફરિયાદ નોંધાવી હતી.