સીંગવડ તાલુકામાં પીસોઈની કવિતાબેન ખાંટના લગ્ન દોઢ વર્ષ અગાઉ સમાજના રિતી રિવાજ મુજબ જાનવડના વિનુભાઈ ખાંટ સાથે થયા હતા. લગ્નના થોડા સમય સુધી સારૂ રાખ્યા બાદ પતિ, સસરા અને સાસુ દ્વારા અવાર નવાર મેણા ટોણા મારી કહેતા હતાં કે, તું મને ગમતી નથી, તને ઘરનું કામકાજ બરાબર આવડતું નથી, મારે બીજી પત્નિ લાવવાની છે, તારે રહેવું હોય તો બાપાના ઘરેથી એક લાખ લઈ આવ, કહી દહેજની પણ માંગણી કરી શારિરીક તેમજ માનસીક ત્રાસ આપી મારઝુડ પણ કરતાં હતા.

ત્યાર બાદ કવિતાબેનને તેના પતિ તથા સાસુ – સસરા દ્વારા પહેરેલ કપડે ઘરમાંથી કાઢી મુકતાં કવિતાબેન છેલ્લા કેટલાક સમયથી પોતાના પિયર સીંગવડ મુકામે રહેતી હતી. આ સંબંધે કવિતાબેન દ્વારા પોતાના પતિ, સાસુ – સસરા વિરૂધ્ધ દાહોદ જિલ્લા મહિલા પોલીસ મથકે ફરિયાદ નોંધાવી હતી.તાં પોલીસે ગુનો નોંધી આગળની તપાસ હાથ ધરી છે.