દાહોદના રાણાપુરમાં છોકરી લઇ ગયો છે તેના દાવાના નિકાલના રૂપિયા કેમ આપતો નથી કહી યુવકને માર મારી તેનું અપહરણ કરી ઘરે લઇ જઇ દોરડા વડે બાંધી રાખતાં છોડાવવા ગયેલા વ્યક્તિને પણ લોખંડની પાઇપ મારી ઇજા પહોંચાડી હતી. યુવકના ભાઇને પણ પથ્થર મારી ઇજા કરી હતી.

રાણાપુરનો કિરીટ મનુભાઇ બારીયા તથા વિજય બારીયા રાહુલ ભુરીયાના ઘરે ચાંદલા વિધીમાં ગયા હતા. ત્યારે સામા પારગી, લાલા પારગી, કાળા પારગી તથા ચેનિયા પાંગળા પારગી ત્યા આવી કિરીટને કહ્યું કે તુ મારી છોકરી લઇ ગયો છે તેના દાવાના રૂપિયા કેમ આપતો નથી કહી સામા પારગીએ લાકડી કીરીટને બરડામાં તથા ડાબા પગે મારી ઇજા કરી હતી. તેમજ ચારેય જણા કિરીટને ઘરે લઇ જઇ દોરડા વડે બાંધી દીધો હતો. મનુભાઇ બારીયા છોડાવવા જતાં તેને પણ લોખંડની પાઇપ સાથળ ઉપર તથા કપાળના ભાગે અને બરડાના ભાગે મારી ઇજા પહોંચાડી હતી.

આ દરમિયાન અનિલ બારીયા બાઇક લઇ ઘરે જતા લાલા પાંગળા પારગીએ હાથમાં પથ્થર લઇ વિજનયા મોઢા ઉપર મારતા ચામડી ફાડી નાખી લોહીલુહાણ કરતાં બાઇક ઉપરથી નીચે પડી જતા કાળા પાંગળા પારગીએ ગડદાપાટુનો માર માર્યો હતો. ચારે જણા જાનથી મારી નાખવાની ધમકી આપતા ભાગી ગયા હતા. ઇજાગ્રસ્તોને 108 દ્વારા દાહોદ ઝાયડસમાં સારવાર માટે લઇ જવામાં આવ્યા હતા. પોલીસે ગુનો નોંધી કાર્યવાહી હાથ ધરી હતી.