ગલાલિયાવાડ ગામે અંગત અદાવત રાખીને ચાર વ્યક્તિઓએ એક મહિલા સહિત ત્રણ જણા સાથે ઝઘડો તકરાર કરી એકદમ ઉશ્કેરાઈ જઈ બે મહિલા સહિત એકને પાવડાની મુદર, ચામડાના પટ્ટા, લાકડીઓ વડે તેમજ પથ્થરો વડે માર મારી ઘાયલ ક્રયા હતાં.

ગલાલીયાવાડના સચીન સાંસી, શંકર સાંસી, ભોલાસાંસી, તથા કૃણાલ સાંસી તા.૧૯મીના રોજ રંજનબેન પાસે આવ્યાં હતા અને કોઈ કારણોસર ઝઘડો તકરાર કરી બેફામ ગાળો બોલવા લાગ્યા હતાં જેથી રંજનબેને ગાળો બોલવાની ના પાડતાં ઉશ્કેરાયેલ ઉપરોક્ત ચારેય હથિયારો સાથે ઘસી આવ્યાં હતા અને રંજબેનને, રાજાભાઈને માર મારી ઈજાઓ પહોંચાડી હતી. આ બાદ શંકરભાઈ અને કૃણાલભાઈ આરતીબેનને માથામાં મારી દેતાં લોહીલુહાણ થઈ ગયાં હતાં. આ સાથે જ ત્રણેયને દવાખાને ખસેડ્યાં હતાં. દાહોદ તાલુકા પોલીસ મથકે ફરિયાદ નોંધાવી છે.