દાહોદની પી ગોલ્ડ નામની કંપની 74.24 લાખ બોગસ ચેક બનાવી દહેજ પ્રોજેક્ટ હેઠળ જીઆઇડીસી વિભાગના ખાતા માંથી ઉપાડી લીધા હોવાની છેતરપિંડી ઘટના સામે આવતા અંકલેશ્વરમાં પોલીસ ફરિયાદ નોંધાઇ હતી.

આ પ્રકરણમાં વધુ 49.60 લાખ રૂપિયા ચેક વડે ઉપાડવા જતા ભાંડો ફૂટ્યો હતો. જીઆઇડીસી વહીવટી સંકુલ ના બોગસ ચેક બનાવી બારોબર રૂપિયા ઉપાડી લીધા હતા. આ મામલે વિભાગ દ્વારા દાહોદની બેંક ઓફ બરોડા દ્વારા પી-ગોલ્ડના નામે રજુ થયેલા અન્ય બે બનાવટી ચેકોની બરાબર ચકાસણી કર્યા વગર રૂપિયા 74.24 લાખ જેટલી સરકારી નાણાની તબદીલી પી- ગોલ્ડના ખાતામાં કરી દીધી હતી. દાહોદની શાખાએ નિયમ અનુસાર જો ચકાસણી કરી હોત તો આ કૌભાંડ જ ના થાત તેવું ફરિયાદમાં સ્પષ્ટ ઉલ્લેખ કરાયો છે.

આ સાથે બેન્ક ઓફ બરોડા પાસે તબદીલ થયેલી રકમની વારંવાર માગણી કર્યા છતાં તે પરત નહી કરી આ મામલે પી ગોલ્ડ કંપની સામે પણ કોઇ કાર્યવાહી કરી હોવાનું જણાવવાની દાહોદની બેન્કે તસ્નદી ન લઇને મૌન સાધી લેતા આશ્ચર્ય ફેલાયુ છે. દાહોદની પી-ગોલ્ડ કંપની બોગસ હોવાની આશંકા વ્યક્ત કરવામાં આવી રહી છે ત્યારે આ મામલે પોલીસે તલસ્પર્શી તપાસ શરૂ કરી છે.

દાહોદની બેન્કે કયા મુદ્દા ના તપાસ્યા