દાહોદમાં 17મીના રાત્રીના ખાનગી દવાખાનામાં દાખલ દર્દીના સગાની ફરિયાદના આધારે એલસીબીએ ડમી ગ્રાહક મોકલી રેમડેસિવિર ઇજેક્શનોની કાળાબજારી કરતા રાબડાલના કમલેશભાઇ રાજપુરોહીતને 11 રેમડેસિવિર અને 75 હજારની રોકડ અને 1 મોબાઇલ મળી 1,39,400 નો મુદામાલ સાથે પકડી પાડયો હતો.

ત્યાર બાદ ના. પોલીસ મહાનિરીક્ષકભરાડા, દાહોદ પોલીસ અધિક્ષક જોયસરે રેમડેસિવિરનો જથ્થો સરકારી હોસ્પિટલમાં સારવાર હેઠળ હોય તેવા જરૂરીયાતમંદને ઉપયોગમાં આવે તે માટે કોર્ટની પરવાનગી મેળવી દાહોદની ઝાયડસ સરકારી હોસ્પિટલમાં જમા કરાવવા સુચના કરતાં એલ.સી.બી. પી.આઇ. પી.એમ. મકવાણાએ કબ્જે લીધેલ રૂા.59,400ના 11 રેમડેસિવિર ઇન્જેકશન સરકારી હોસ્પિટલમાં જમા કરાવવા બાબતે દાહોદ ચીફ જ્યુડી મેજી.ની કોર્ટમાં રિપોર્ટ કરતાં ચીફ જ્યુડી મેજી. જે.વી.પરમારે માનવતાવાદી વલણ દાખવી કબ્જે લીધેલ રેમડેસિવિર તાત્કાલિક ધોરણે સરકારી હોસ્પિટલના જવાબદાર મેડીકલ ઓફિસરને સોંપવા હુકમ કરતાં પી.એસ.આઇ. પી.એમ.મકવાણાએ મુખ્ય જિલ્લા તબીબી અધિકારી ઝાયડસ હોસ્પિટલ દાહોદને તાત્કાલિક ધોરણે જમા કરાવ્યા હતા.