શનિવારે પણ દાહોદના 6 સહિત જિલ્લામાં કોરોનાના નવા 11 દર્દીઓ નોંધાયા હતા. દાહોદ તાલુકાના 4, ઝાલોદના 4 અને ગરબાડાના 1 દર્દી પોઝિટિવ જાહેર થયા હતા. જિલ્લા આરોગ્ય તંત્ર દ્વારા કરવામાં આવેલ Rtpcr ટેસ્ટના 332 સેમ્પલો પૈકી 2 અને રેપિડ ટેસ્ટના 1484 સેમ્પલો પૈકી 9 દર્દીઓ પોઝિટિવ જાહેર થયા હતા. દાહોદ જિલ્લામાં અત્યારમાં સુધી જાહેર થયેલ 1852 પોઝિટિવ દર્દીઓ પૈકી અર્બન એટલેકે શહેર વિસ્તારના 1141 દર્દીઓ અને ગ્રામ્ય વિસ્તારના 711 દર્દીઓ નોંધાયા છે.

આ સાથે સાજા થયેલા 3 દર્દીઓને શનિવારે ડિસ્ચાર્જ કરવામાં આવ્યા હતા. ઉલ્લેખનીય છે કે શુક્રવારે પણ જિલ્લાના કુલ 11 પૈકી દાહોદના 9 દર્દીઓ નોંધાયા હતા. જેને લઈને શહેરી વિસ્તારોમાં કોરોનાનો ભય જોવા મળી રહ્યો છે.