દાહોદ જિલ્લામાં ગુરુવારે કોરોનાના નવા 18 કેસ નોંધાયા હતા. તો સાથે હવે જિલ્લાના કુલ સંક્રમિત્રોની સંખ્યા 2000નો આંક વટાવી જતા તંત્ર અને પ્રજા બંનેમાં ચિંતાના વમળ સર્જાયા છે. ગુરુવારે જાહેર થયેલા કોરોનાના કેસમાં દાહોદ શહેરના 8, ઝાલોદ શહેરના 2 અને ઝાલોદ ગ્રામ્ય વિસ્તારના 3 દર્દી, ગરબાડાના 3 અને દેવગઢ બારીયા ગ્રામ્ય વિસ્તારના 2 દર્દી કોરોનાગ્રસ્ત હોવાનું નોંધાયું હતું.

તા.19.11.2020ને ગુરુવારે જાહેર થયા મુજબ Rtpcr ટેસ્ટના 270 સેમ્પલો પૈકી 13 અને રેપીડના 831 સેમ્પલો પૈકી 5 દર્દીઓ પોઝિટિવ આવ્યા હતા. આ સાથે ગુરુવારે જિલ્લાના સાજા થઈ ચુકેલા વધુ 8ને ડિસ્ચાર્જ આપી દેવાતાં હવે એક્ટિવ કેસોની સંખ્યા 131 થવા પામી છે. આ સાથે જિલ્લામાં અત્યાર સુધીમાં કુલ 2001 લોકો સંક્રમિત થયા હોવાની માહિતી મળી છે.