દાહોદ જિલ્લામાં શુક્રવારે કોરોનાના નવા 12 કેસ નોંધાયા હતા. Rtpcr ટેસ્ટના 272 સેમ્પલો પૈકી તમામ 12 વ્યક્તિઓ પોઝિટિવ આવ્યા હતા. તો રેપીડના 1380 સેમ્પલો પૈકી એકપણ દર્દી પોઝિટિવ આવ્યા ન હતા. પ્રાપ્ત માહિતી અનુસાર આ કેસમાં દાહોદ શહેરના 7, દાહોદ ગ્રામ્ય, ઝાલોદ અર્બનના અને દેવગઢ બારીયા અર્બનના 1- 1 અને લીમખેડાના 2 દર્દીઓ કોરોનાગ્રસ્ત હોવાનું નોંધાયું હતું. આ સાથે શુક્રવારે દાહોદ જિલ્લાના કોરોનાગ્રસ્ત દર્દીઓ પૈકી 25 લોકોને સાજા થઇ જતાં ડિસ્ચાર્જ આપી દેવાતા હવે કોરાનાના એક્ટિવ કેસોની સંખ્યા 129 થવા પામી છે.