દાહોદ જિલ્લામાં મંગળવારે પણ સતત વધતા કેસની શ્રુંખલામાં કોરોનાના નવા 19 કેસ નોંધાયા હતા. Rtpcr ટેસ્ટના 376 સેમ્પલો પૈકી 16 અને રેપીડના 1049 સેમ્પલો પૈકી 3 દર્દીઓ પોઝિટિવ આવ્યા હતા. પ્રાપ્ત માહિતી અનુસાર આ કેસમાં દાહોદ શહેરના 6, ઝાલોદ અર્બનના 2 અને ગ્રામ્યના 1, દેવગઢ બારીયા અર્બનનાં 6 અને ગ્રામ્યના 1, લીમખેડાના 2 અને ધાનપુરના 1 કોરોનાગ્રસ્ત હોવાનું નોંધાયું હતું. આ સાથે મંગળવારે દાહોદ જિલ્લાના કોરોનાગ્રસ્ત દર્દીઓ પૈકી 8 લોકોને સાજા થઇ જતાં ડિસ્ચાર્જ આપી દેવાયું છે. હવે કોરાનાના એક્ટિવ કેસોની સંખ્યા 176 થવા પામી છે. આ સાથે આજ સુધીના નોંધાયેલા કુલ 2089 દર્દીઓ પૈકી આજ સુધીમાં કુલ 76 કોરોનાગ્રસ્ત દર્દીઓના મરણ થયા છે.