રાજ્યમાં હવે કોરોનાના કેસ ઘટવા લાગ્યા છે. છેલ્લા 24 કલાકમાં 53 હજાર 520 ટેસ્ટ કરવામાં આવ્યા હતા. જેમાંથી 734ના રિપોર્ટ પોઝિટિવ આવ્યા છે. તેમજ 3 દર્દીના મોત થયા છે અને 907 દર્દીએ કોરોનાને મ્હાત આપી છે. જ્યારે સતત 28માં દિવસે નવા કેસ કરતા સાજા થનારા દર્દીની સંખ્યા વધુ નોંધાઈ છે. આ સાથે જ રાજ્યનો કુલ રિક્વરી રેટ 94.32 ટકા થયો છે. રાજ્યમાં 4 જિલ્લામાં વેક્સિનેશનની ડ્રાયરન યોજાશે. જેમાં દાહોદ, ભાવનગર, વલસાડ અને આણંદનો સમાવેશ થાય છે.

9663 એક્ટિવ કેસ, 64 વેન્ટિલેટર પર, અત્યાર સુધીમાં 2 લાખ 31 હજાર 800 દર્દી ડિસ્ચાર્જ
રાજ્યમાં અત્યાર સુધીમાં 94 લાખ 90 હજાર 11 ટેસ્ટ કરવામાં આવ્યા છે, જેમાંથી 2 લાખ 45 હજાર 772ના રિપોર્ટ પોઝિટિવ આવ્યા છે, જ્યારે મૃત્યુઆંક 4309એ પહોંચ્યો છે. તેમજ અત્યાર સુધીમાં 2 લાખ 31 હજાર 800 દર્દી ડિસ્ચાર્જ થયા છે. એક્ટિવ કેસની વાત કરીએ તો રાજ્યમાં હાલ 9663 એક્ટિવ કેસ છે, જેમાંથી 64 વેન્ટિલેટર પર જ્યારે 9599 દર્દીની હાલત સ્થિર છે. જ્યારે આજ સુધીમાં 508125 લોકોને ક્વોરન્ટીન કરાયા છે. જેમાં 508001 હોમ ક્વોરન્ટીન કરાયા છે અને 124 ફેસિલિટી ક્વોરન્ટીન થયા છે.

ગુજરાતમાં આવતી કાલે ચાર જિલ્લામાં કોવિડ 19ની વેક્સિનેશન માટે ડ્રાય રન
આવતી કાલે દાહોદમાં ઝાયડસ મેડિકલ કોલેજ, ભાવનગરમાં સર ટી જનરલ હોસ્પિટલ , વલસાડમાં જીએમઈઆરએસ મેડિકલ કોલેજ અને આણંદમાં ડિસ્ટ્રિક્ટ હોસ્પિટલ એમ ચાર જગ્યાએ કોવિડ 19 વેક્સિનેશન માટે ડ્રાય રન યોજાશે.

ગુજરાતમાં નવા કેસ, કુલ કેસ અને એક્ટિવ કેસ

1 ઓક્ટોબરથી 31 ડિસેમ્બર સુધી રાજ્યમાં નોંધાયેલાં કેસ, મોત અને ડિસ્ચાર્જના આંકડાઓ

રાજ્યમાં કુલ 2,45,772 કેસ અને 4309 દર્દીના મોત અને 2,31,800 ડિસ્ચાર્જ