દાહોદ જિલ્લાના નાગરિકોને કોરોના વાયરસ સામે જાગૃત કરવા માટે જિલ્લા વહીવટી તંત્ર દ્વારા હવે એક નવતર પ્રયાસ આદર્યો છે. નાગરિકોને માસ્ક પહેરવાની અને સામાજિક અંતરના પાલનની સતત શીખ મળતી રહે એ માટે ‘દાહોદ કોરોના એન્થમ’ બનાવવામાં આવી છે. જેમાં રેપ સોંગ થકી લોકોને જાગૃત કરવામાં આવ્યા છે. આ એન્થમની શરૂઆત નાની નાટિકાથી થાય છે. જેમાં યુવાન ઘરની બહાર જતી વેળાએ પોતાની માતાની સૂચનાને અવગણીને માસ્ક પહેરતો નથી. બાદમાં રેપ સોંગની શરૂઆત થાય છે. જેના શબ્દો દાહોદ માસ્ક પહેરો, દાહોદ માસ્ક પહેરો, એવા છે.