પ્રતીકાત્મક તસ્વીર

મહીસાગર જિલ્લામાં શુક્રવારે બાલાસિનોર તાલુકાની 8 સ્ત્રી, 14 પુરૂષ, કડાણા તાલુકાની 5 સ્ત્રી, 6 પુરૂષ, ખાનપુર તાલુકાની 3 સ્ત્રી, 7 પુરૂષ, લુણાવાડા તાલુકાની 7 સ્ત્રી, 13 પુરૂષ, સંતરામપુર તાલુકાની 6 સ્ત્રી, 10 પુરૂષ, વિરપુર તાલુકાની 6 સ્ત્રી, 8 પુરૂષનો કોરોના રીપોર્ટ પોઝીટીવ અાવતા જિલ્લામાં કોરોનાના અત્યાર સુધીમાં કુલ 3523 કેસ પોઝીટીવ નોધાયા છે.

જિલ્‍લામાં સારવાર લઇ રહેલા દર્દીઓ પૈકી બાલાસિનોર તાલુકાની 1 સ્ત્રી, 4 પુરૂષ, કડાણા તાલુકાની 4 સ્ત્રી, 3 પુરૂષ, ખાનપુર તાલુકાની 1 સ્ત્રી, 4 પુરૂષ, લુણાવાડા તાલુકાની 5 સ્ત્રી, 7 પુરૂષ, સંતરામપુર તાલુકાની 4 સ્ત્રી, 4 પુરૂષ અને વિરપુર તાલુકાની 1 સ્ત્રી, 1 પુરૂષ દર્દીઓએ શુક્રવારે કોરોનાને માત આપતાં જિલ્લામાં અત્યાર સુધીમાં કુલ 2820 દર્દીઓ સ્વસ્થ થયા છે. જિલ્લામાં કોરોનાને કારણે 11ના જયારે અન્ય કારણથી 40ના મોત થતાં કુલ 51 મોત નોંધાયા છે.

લુણાવાડા| , નગરના પૂજારી તથા વીરપુરના વેપારીનું મોત
કોરોના મહામારીમાં મોટી સંખ્યામાં લોકોના મોત પણ નિપજી રહ્યા છે. ત્યારે લુણાવાડાના સત્યનારાયણ મંદિરના પૂજારી દંપતી કોરોનાથી સંક્રમિત થયું હતંુ. જેમાં મફતભાઈ પંડયાનું નિધન થયું હતું. જ્યારે તેમના પત્ની હાલ હોસ્પિટલમાં સારવાર હેઠળ છે. જ્યારે વીરપુરમાં ચશ્માંના વેપારી યુસુફ મેમણનું પણ કોરોનાથી મોત થયું હતું. લુણાવાડા શહેરમાં મુસ્લિમ સમાજમાં કોરોનાથી 5ના મોત તથા તાલુકાના કોઠંબા વિસ્તારમાં 17 મોત સહિત તાલુકામાં કુલ 30થી વધુ મોત થયા છે.

દાહોદ, જિલ્લામાં શુક્રવારે કોરોનાના અધધ..115 કેસ
દાહોદ જિલ્લામાં શુક્રવારે કોરોનાના 115 કેસ નોંધાયા હતા. જેમાં Rtpcr ટેસ્ટના 658 સેમ્પલો પૈકી 69 અને રેપીડના 1665 સેમ્પલો પૈકી 46 સંક્રમિત હોવાનું નોંધાયું હતું. તા.23 એપ્રિલ 2021ના રોજ દાહોદ જિલ્લામાં નોંધાયેલા નવા કેસ‌ પૈકી દાહોદ શહેરના 13, દાહોદ ગ્રામ્યના 19, ઝાલોદ અર્બન 18, ઝાલોદ ગ્રામ્ય 24, દે.બારિયા અર્બન 2, દે.બારિયા ગ્રામ્ય 3, લીમખેડા 7, સીંગવડ 4, ગરબાડા 12, ધાનપુર 2, ફતેપુરા 5 અને સંજેલીના 6 નવા સંક્રમિતો નોંધાયા હતા. આ સાથે જિલ્લામાં સાજા થયેલા 43 લોકોને ડિસ્ચાર્જ કરાયા બાદ હવે કોરાનાના એક્ટિવ કેસોની સંખ્યા 657 થઇ છે. તો જિલ્લામાં કોરોનાથી વધુ 8 દર્દીઓના મૃત્યુ સાથે કુલ 193 કોરોનાગ્રસ્તોના મોત નોંધાયા છે.