દાહોદ જિલ્લામાં છેલ્લા 1 ઉપરાંત માસથી કોરોનાની સંખ્યામાં આવેલા ઉછાળા અંતર્ગત શુક્રવારે પણ નવા 18 કેસ નોંધાયા હતા.દાહોદ શહેરના 9 નવા કેસ સાથે ગ્રામ્યના 3, ઝાલોદ ગ્રામ્યના 3, સીંગવડ, ફતેપુરા અને સંજેલીના 1-1 દર્દીઓ નોંધાયા હતા. Rtpcr ના 340 સેમ્પલ લેવાયા હતા જે પૈકી 11 લોકો પોઝિટિવ આવ્યા હતા. તો રેપીડ ટેસ્ટના કુલ 1127 સેમ્પલો પૈકી 7 લોકો પોઝિટિવ આવ્યા હતા. આ સાથે શુક્રવારે જિલ્લામાંથી સાજા થયેલા 16 દર્દીઓને ડિસ્ચાર્જ કરવામાં આવતા હવે એક્ટિવ કેસોની સંખ્યા 187 થઇ છે. અત્યાર સુધીના 2280 સંક્રમિતો પૈકી 1392 શહેરી વિસ્તારોના અને 888 ગ્રામ્ય વિસ્તારના દર્દીઓ નોંધાયા છે તો તે પૈકી 2008 સાજા થયેલાઓને ડિસ્ચાર્જ કરી દેવાયા છે.