દાહોદ જિલ્લામાં ગુરુવારે કોરોનાના નવા 34 કેસ નોંધાયા હતા. દાહોદ શહેર અને જિલ્લામાં તા.8 એપ્રિલ 2021ના રોજ Rtpcr ટેસ્ટના 555 સેમ્પલો પૈકી 20 પોઝિટિવ આવ્યા છે. તો રેપીડના 1428 સેમ્પલો પૈકી 14 પોઝિટિવ નોંધાયા હતા. ગુરુવારે ઝાલોદ ગ્રામ્યના 8, દાહોદ શહેરના 7, દેવગઢબારિયા ગ્રામ્ય અને ફતેપુરાના 4 -4, લીમખેડાના 3, દાહોદ ગ્રામ્ય અને ગરબાડાના 2-2, તથા ઝાલોદ અર્બન, દેવગઢબારિયા અર્બન, સીંગવડ અને સંજેલીના 1 -1 નવા સંક્રમિતો નોંધાયા હતા. જિલ્લામાં સાજા થયેલા 18 લોકોને ડિસ્ચાર્જ કરાયા બાદ હવે એક્ટિવ કેસોની સંખ્યા 238 થઇ છે. એપ્રિલના માત્ર 8 દિવસમાં જ દાહોદ જિલ્લામાં કુલ 230 કેસ નોંધાયા છે.