દાહોદ પેરોલ ફર્લો સ્કોર્ડના પી.એસ.આઇ. આઇ.એ. સીસોદીયા તથા સ્ટાફ તેમજ એલ.સી.બી.ના એ.એસ.આઇ. હાજરાબેન શાહબુદીન ગરબાડા વિસ્તારમાં નાસતા ફરતા વોન્ટેડ આરોપીઓને ઝડપી પાડવાની ડ્રાઇવમાં નિકળ્યા હતા. તે દરમિયાન ગરબાડામાં પોલીસ સ્ટેશનમાં નોંધાયેલા મારામારીના ગુનામાં વોન્ટેડ દેવધા ગામની મહિલા આરોપી મધુબેન રતના દેહધા તેના ઘરે આવી હોવાની માહિતી મળી હતી. જેથી પોલીસે તપાસ કરતાં મહિલા ઘરે મળી આવતા તેને ઝડપી પાડી ગરબાડા પોલીસ મથકે સોંપવામાં આવી હતી.