દાહોદ તાલુકા પોલીસ મથકને પી.એસ.આઇ. એમ.એ.દેસાઇ તથા સ્ટાફના માણસો રૂરલ પોલીસ સ્ટેશન વિસ્તારમાં બીટ નં.2માં પેટ્રોલીંગમા હતા. ત્યારે ભાઠીવાડા ગામે ઝેર ફળીયામાં રહેતો કાંતી હકરૂ ડામોર પોતાના રહેણાંક મકાનમાં વિદેશી દારૂનો જથ્થો રાખી છૂટક વેચાણ કરતો હોવાની બાતમી પીએસઆઇને મળી હતી. જેના આધારે પોલીસે રેઇડ કરતાં કાંતી હકરૂ ડામોર ઘર આગળ ઉભો હતો.

પોલીસે તેને સાથે રાખી ઘરમાં તપાસ કરતાં એક રૂમમાં પ્લાસ્ટીકના મીણીયા થેલામાં મુકી રાખેલ વિદેશી દારૂની નંગ 7 પેટી મળી આવી હતી. જેને બહાર કાઢી જોતા તેમાંથી વિદેશી દારૂની અલગ અલક માર્કાની કુલ 288 નંગ બોટલ જેની કિંમત 28,800ની મળી આવી હતી. પ્રોહી મુદ્દામાલ કબ્જે લઇ કાંતી હકરૂ ડામોરની ધરપકડ કરી દાહોદ તાલુકા પોલીસ મથકે ગુનો નોંધી કાર્યવાહી હાથ ધરી હતી.