પંચમહાલ ગોધરા રેન્જના નાયબ પોલીસ મહાનિદેશકે દિવાળીનો તહેવાર નજીક આવતા અને વિવિધ ગુના આચરી બહાર ગામ મજૂરી અર્થે જતા રહેતા હોય અને દિવાળી મનાવવા વતનમાં પરત ફરતા આરોપીને ઝડપવા માટે સૂચના આપતા દાહોદ પોલીસ અધિક્ષક હિતેશ જોયસરે ફરાર આરોપીને ઝડપવા સૂચન કર્યુ હતું. જેના અનુસંધાને પેરોલ ફર્લોસ્કવોડના પીએસઆઇ આઇ.એ.સીસોદીયા તથા સ્ટાફ સાથે આરોપીને ઝડપી પાડવા માટે નિકળ્યા હતા. ત્યારે મળેલી ગુપ્ત માહિતના આધારે 2008માં આણંદ જિલ્લાના વાસદ પોલીસ સ્ટેશનમાં નોંધાયેલા ધાડ વીથ મર્ડરના આરોપી પેરોલ ફર્લો ઉપર છૂટ્યા બાદ પરત હાજર નહી થઇ છેલ્લા 12 વર્ષથી નાસતો ફરતો ઝાલોદ તાલુકાના કાળીગામ ગુર્જર સાતસેરાના રાયસીંગ તાનસીંગ ડાંગીને ઝડપી પાડ્યો હતો અને વાસદ પોલીસ સ્ટેશને સોંપી કાર્યવાહી હાથ ધરી હતી.