દાહોદ જિલ્લાના ધાનપુર તાલુકાના નવાનગર ગામમાં રહેણાંક મકાનમાં વિદેશી દારૂનો જથ્થો રાખીને તેનો વેપલો કરતા હોવાની બાતમી ધાનપુર પોલીસ મથકને મળી હતી. બાતમીના આધારે ધાનપુર પોલીસના પોલીસ કોન્સ્ટેબલ જશવંતભાઈ પોલીસ સ્ટાફ સાથે નવાનગર ગામે રહેતા મુકેશ બાદર મીનામાના રહેણાક મકાનમાં છાપો મારતાં મકાનનો દરવાજો ખુલ્લો મૂકીને મુકેશ નાસી છુટયો હતો. જ્યારે ઘરની તલાશી લેતા 180 મિલીના ગોવા સ્પીડના પ્લાસ્ટિકના હોલ પાચ નંગ મળી આવ્યા હતા.

મુકેશની વિરુદ્ધ ધાનપુર પોલીસ મથકે પ્રોહીબીશન એક્ટ મુજબ ગુનો દાખલ કરવામાં આવ્યો હતો. જ્યારે માંડવ ગામમાં પ્રેમા ધના પોતાના મકાનમાં એક પ્લાસ્ટિકનામાં દેશી દારૂ ભરીને તેનું વેચાણ કરતા ત્રણ લિટર દેશી દારૂ ઝડપાતા તેની સામે પણ પોલીસે કાર્યવાહી કરવામાં આવી હતી.