પંચમહાલ ગોધરા રેન્જના IG એમ.એસ.ભરાડા તથા દાહોદ SP હિતેશ જોયસર તેમજ DySP શૈફાલી બરવાલ અને દાહોદ સર્કલ PI એચ.પી. કરેણના માર્ગદર્શનમા પ્રોહી. મીલકત ગુન્હાઓ શોઘવા આજ રોજ સીપીઆઈ એચ.પી. કરેણ સાથે દાહોદ રૂરલ પોલીસ મથકના સિ. પીએસઆઈ એમ.એફ. ડામોર તથા એ.એસ.આઈ, ઈલાબેન કનસિંહ સહિતનો સ્ટાફ નાઈટ પેટ્રોલીંગમાં હતા.

ત્યારે એમ.પી.ના સાતશેરો તરફથી ખરોદા ગામના રસ્તે મુવાલીયા લુણધા ફળીયાનો રાકેશ પારસિંગ મિનામા સ્કોર્પીઓમાં દારૂ ભરી દાહોદ તરફ આવવાની બાતમીથી નાકાબંધી કરતા પોલીસને જોઇ સ્કોર્પીઓમાં સવાર બુટલેગર રાકેશ પારસિંગ મિનામા તથા તેની સાથેનો એક વ્યક્તિ ગાડી રસ્તા પર મુકી અંધારાનો લાભ લઇ જંગલમાં નાસી ગયા હતા. ગાડીમાં તપાસ કરતાં દારૂ તથા બીયરની પેટીઓ જેમાં કુલ બોટલો નંગ-1760 રૂા.1,78,240 તથા 3 લાખની ગાડી મળી કુલ રૂા. 4,78,240ના મુદ્દામાલ જપ્ત કરી રાકેશ મિનામા તથા તેની સાથેના શખ્સ વિરૂધ્ધ તાલુકા પોલીસે ગુનો નોંધી કાર્યવાહી હાથ ધરી હતી.