જિલ્લામાં ફ્રન્ટ લાઇન કોરોના વોરિયર્સને રસી આપવાની કામગીરી ચાલી રહી છે

દાહોદ જિલ્લામાં કોરોનાની રસીકરણની કામગીરી પૂર જોશમાં ચાલી રહી છે.અ ત્યાર સુધી 2500 જેટલા કોરોના વોરિયર્સને રસી આપી દેવામાં આવી છે પરંતુ કોઇ પણ વ્યક્તિને રસીની આડ અસર થઇ નથી.માત્ર 10 ટકા કિસ્સામાં લાભાર્થીને તાવ આવતો હોવાનું જાણવા મળ્યુ છે. ટુંક સમયમમાં 5 હજાર લાભાર્થીનો લક્ષ્યાંક પૂર્ણ કરવામાં આવશે.

દાહોદ જિલ્લામાં અત્યાર સુધીમાં કોરોનાના 2800 દર્દી્ઓ નોંધાઇ ચુક્યા છે,તેમાંથી 2693 દર્દી સ્વસ્થ થઇ ચુક્યા છે અને કોરોના તેમજ કોરોના સાથે વિવિધ બીમારીઓ ધરાવતાં 91 લોકોના મોત નીપજી ચુક્યા છે. હાલમાં જિલ્લામાં માત્ર 11 જેટલા જ કોરોનાના એક્ટીવ કેસ છે ત્યારે કોરોનાના દર્દીઓમાં સતત ઘટાડો નોંધાઇ રહ્યો હોવાથી સમગ્ર તંત્ર સહિત જનસામાન્ય રાહત અનુભવી રહ્યા છે. બીજી તરફ જિલ્લામાં ફ્રન્ટ લાઇન કોરોના વોરિયર્સને રસી આપવાની કામગીરી પણ પૂર જોશમાં ચાલી રહી છે. જિલ્લામાં કલેક્ટર અને જિલ્લા પોલીસ વડા જેવા ઉચ્ચ અધિકારીઓ સહિતના કોરોના વોરિયર્સને કોરોનાની રસી મુકી દેવામાં આવી છે.

સત્તાવાર માહિતી પ્રમાણે 2500 જેટલા કોરોના વોરિયર્સને રસી મુકી દેવામાં આવી છે અને ટુંક સમયમાં 5000 લાભાર્થીઓને રીસ મુકી દેવામાં આવશે.તેવા સમયે હાલ સુધી જેમને રસી મુકવામાં આવી છે તે પૈકી એક પણ લાભાર્તીને રસીની આડઅસર થઇ ન હોવાનુ જિલ્લા આરોગ્ય વિભાગમાંથી જાણવા મળ્યુ છે. માત્ર 10 ટકા લોકોને રસી મુક્યાબાદ તાવ આવતો હોવાની ફરિયાદો ઉભી થતાં તેમને જરુરી સારવાર આપવામાં આવી છે. દાહોદ જિલ્લા અધિક આરોગ્યઅધિકારી ડો.આ.ર.પહાડીયે જણાવ્યુ હતુ કે પોતે પમ રસીકરણ કરાવ્યુ હોવા છતાં કોઇ પમ કોમ્પ્લીકેશન ઉભા તયા નતી તેમજ માત્ર 10 ટકા લાભાર્તીઓને તાવ આવતો હોવાની ફરિયાદો મળી છે.