ફાઈલ તસવીર.

એક તરફ જ્યારે ચૂંટણીલક્ષી આચાર સહિતા અમલમાં આવી ચૂકી છે ત્યારે બીજી તરફ કોરોનાનો ભય પણ હજુ છે ત્યારે રાજકોટ એસ.ટી. નિગમે વાંકાનેરથી જામનગર અને જામનગરથી મિનાકયાર સુધીના બે નવા રૂટનો આરંભ કર્યો છે. ઉલ્લેખનીય છે કે મધ્યપ્રદેશના મિનાકયાર જતી બસ દાહોદ ખાતે પણ આવશે.

આમ જિલ્લા પંચાયત, તાલુકા પંચાયત, મહાનગર પાલિકા તથા નગરપાલિકાઓની ચૂંટણી ખૂબ નજીકમાં છે અને તેની આચારસંહિતા લાગુ પડી ચુકી હોવા છતાં પણ મનસ્વી રીતે સરેઆમ સરકારી આદર્શ આચાર સઁહિતાનો ભંગ કરી રાજકોટ એસ.ટી.નિગમ દ્વારા આ રીતે નવા રૂટ આરંભ કરતા લોકોમાં અચરજ ફેલાયું છે. સરકારી આચાર સંહિતાનું પાલન ના કરી રાજકીય લાભ ખાટવા રાતોરાત નવા રૂટ આરંભ કરનાર સરકારી અધિકારીઓની સામે તપાસની માંગણી થવી જોઇએ તે વાત લોકમુખે ચર્ચાય છે.