દાહોદના રેટીંયા ગામના પ્રાથમિક આરોગ્ય કેન્દ્રમાં મેડીકલ ઓફીસર તરીકે ફરજ બજાવતા ડો. કિંજલ નાયકે અત્યાર સુધીમાં કુલ 1630 લોકોને કોરોનાની વેક્સિન આપી છે. તેઓ રોજના સરેરાશ 100 લોકોને પોતાના પ્રાથમિક આરોગ્ય કેન્દ્ર ખાતે કોરોના વેક્સિન આપે છે. તેઓ ગત અઢી મહિનાથી કોઇ પણ જાતની જાહેર રજાઓ એટલે કે શનિવાર કે રવિવાર કે અન્ય કોઇ પણ તહેવારની રજા લીધા વિના (મહાશિવરાત્રીની રજાને બાદ કરતા) સતત કામગીરી કરી રહ્યાં છે.

નાગરિકોને કોરોના સામે વેક્સિનનું કવચ આપવા તેઓ અથાક જહેમત કરી રહ્યાં છે. ત્યારે સામે પક્ષે એ પણ જરૂરી છે કે નાગરિકો પણ વેક્સિન લેવા સ્વયંભૂ પહેલ કરે. દાહોદના રેટીંયા ગામના પ્રાથમિક આરોગ્ય કેન્દ્રમાં મેડીકલ ઓફીસર તરીકે ફરજ બજાવતા ડો. કિંજલ નાયકે અત્યાર સુધીમાં કુલ 1630 લોકોને કોરોનાની વેક્સિન આપી છે. તેઓ રોજના સરેરાશ 100 લોકોને પોતાના પ્રાથમિક આરોગ્ય કેન્દ્ર ખાતે કોરોના વેક્સિન આપે છે.

ફ્રન્ટલાઇન કોરોના વોરિર્યસ તરીકે તેમણે વેક્સિનનાં બંને ડોઝ લીધા છે. તેઓ જણાવે છે કે, આ વેક્સિનના મેં બંને ડોઝ લીધા છે. તેની કોઇ આડઅસર જણાઇ નથી. હું જાહેર જનતાને અપીલ કરૂં છું કે, તેઓ કોરોના વેક્સિનના બંને ડોઝ સત્વરે લઇ લે. કોઇ પણ જાતના ભય કે અફવાઓથી દૂર રહેવું. અત્યારે સરકાર દ્વારા 45 કે તેથી વધુ ઉંમરના તમામ નાગરિકોને વેક્સિન આપવામાં આવી રહી છે. માટે આ ઉંમરના તમામ નાગરિકો સરકાર દ્વારા અપાતી વેક્સિનનો અવશ્ય લાભ લે.