ઉકરડીના જેનાબેન કમલેશભાઇ બીલવાળ તેમની સાસુ રૂમાલીબેન સાથે ભાગની જમીનમાં ઘાસ કાપતા હતા. ત્યારે તેમના ગામના કશુ મલસિંગ બીલવાળ બળદને ઘાસ ચરાવતો હતો અને તેમની પાસે આવી ગાળો બોલી કહેવા લાગેલ કે આ જમીન મારી છે.

તેમાં તમે ઘાસ કેમ કાપો છો તેમ કહી ઉશ્કેરાઇ જઇ રૂમાલીબેનને દાતરડુ મારી બન્ને હાથોની હથેળીમાં તેમજ બરડાના ભાગે લાકડીઓ મારી ઇજા પહોંચાડી હતી. રૂમાલીબેને બુમાબુમ કરતાં તેમની વહુ જેનાબેન છોડાવવા વચ્ચે પડતાં તેને પણ ગડદાપાટુનો ગેબી માર માર્યો હતો. આ સમયે બુમાબુમ થતાં કશુ બીલવાળ ત્યાંથી ભાગી ગયો હતો. દાહોદ તાલુકા પોલીસ મથકે ફરિયાદ નોંધાવી છે.

0