સતત બે દાયકા સુધી ગુજરાત સરકારમાં ધારાસભ્ય અને મંત્રીપદે આરૂઢ થયા બાદ 2014 માં અને 1019 માં એમ સતત બે વખત સંસદસભ્ય તરીકે પણ ભવ્ય વિજય મેળવનાર જશવંતસિંહ ભાભોરે 2014 માં વિજેતા બન્યા બાદ કેન્દ્ર સરકારમાં નાયબ આદિજાતિ વિકાસ મંત્રી તરીકે પણ સ્થાન શોભાવ્યું હતું. હવે રાજયના મુખ્ય મંત્રી, નાયબ મુખ્ય મંત્રી, પ્રદેશ પ્રમુખ સહિતના લોકો સાથે દાહોદના સાંસદનો પણ પ્રદેશ પાર્લામેન્ટરી બોર્ડમાં સમાવેશ થતા આગામી ચૂંટણીઓમાં ઉમેદવારોની પસંદગી અને તે બાદ હોદ્દેદારોની પસંદગીમાં મહત્વની ભૂમિકા રહેશે.ત્યારે આ સમાવેશથી જિલ્લાભરમાં ખુશીની લહેર વ્યાપી જવા પામી છે.