દાહોદના સાંસદ જસવંતસિંહ ભાભોરની અધ્યક્ષતામાં આદર્શ ગામ એવા ડોકી ડુંગરા ખાતે ગ્રામ સભા યોજાઇ હતી. જેમાં રૂ. 52.80 લાખના વિકાસ કામોનું લોકાર્પણ અને રૂ. 3.47 કરોડના કામોનું ખાતમુહૂર્ત કરાયું હતું. ગ્રામ સભાને સંબોધન કરતા સાંસદે જણાવ્યું કે, ગરીબોના કલ્યાણ માટે રાજ્ય સરકાર દ્વારા અનેકવિધ પગલાં લેવામાં આવ્યા છે. તાજેતરમાં કોરોના મહામારીમાં સરકાર દ્વારા ગરીબોને 139 કરોડનું અનાજ સાવ વિનામૂલ્યે આપવામાં આવ્યું છે. અત્યાર સુધી કૃષિ વીજ જોડાણોમાં રાત્રે વીજળી અપાતી હતી.

પણ, હવે મુખ્યમંત્રી વિજયભાઇ રૂપાણીની સરકારે કિસાન સૂર્યોદય યોજના અમલી બનાવી ખેડૂતોને દિવસે વીજળી આપવાનો પ્રારંભ કર્યો છે. જેમાં પ્રથમ પસંદગી દાહોદ જિલ્લાની થઇ છે. સાથે તેમને ગ્રામજનોને વ્યસનથી મુક્ત રહેવા અને બાળકોના શિક્ષણ પ્રત્યે વધુ જાગૃત થવા માટે શીખ આપી હતી.