દાહોદથી ગોધરા રોડ ઉપર જતા ઇન્દોર અમદાવાદ નેશનલ હાઇવે સ્થિત ભથવાડા ટોલ નજીક સવારના સુમારે (એમ.પી-09. એચ.એફ-5490)નંબરના ટ્રકમાં અકસ્માતે આગ લાગતાં અફરા તફરીનો માહોલ સર્જાયો હતો. આગ લાગતાં ટ્રક સહિત માલસામાન બળીને ખાખ થઈ ગયો હતો.

આ બનાવ સબંધે નેશનલ હાઇવે ઓથોરિટીના કર્મચારીઓએ લોકોની સુરક્ષા સલામતી ધ્યાને રાખી હાઇવેનો એક તરફનો માર્ગ બંધ કરવાની ફરજ પડી હતી. તેમજ સંતરોડ જવાના રસ્તા પરથી ડાયવરઝન આપીને આગળ ઓરવાડા સુધી સિંગલ રસ્તાનો ઉપયોગ કરવો પડ્યો હતો. જોકે, ઘટનાના પગલે કોઇ જાનહાની ન થતા સૌએ રાહતનો શ્વાસ લીધો હતો. આગના બનાવમાં ટ્રકના માલિકને આર્થિક નુકસાન પહોંચ્યું હોવાનું પ્રાથમિક તબક્કે લાગી રહ્યુ છે.