દાહોદના આશા ફેસિલીટર અને આશા વર્કરો દ્વારા હાલ કોરોના મહામારીમાં પોતાના પરિવારને જોખમમાં મુકી કામ કરે છે. ઓછા પગાર ધોરણે વધુ કામગીરી કરાવવા બાબતે તેમજ પોતાના વિવિધ પડતર પ્રશ્નો અને માંગણીઓ સંદર્ભે આજરોજ દાહોદ જિલ્લા કલેક્ટરને આવેદન પત્ર આપ્યું હતું.

ઓછા પગારમાં વધુ કામગીરી કરાવાતાં રોષની લાગણી ફેલાઈ

આવેદનપત્રમાં જણાવ્યાં અનુસાર, દાહોદ જિલ્લામાં આરોગ્ય વિભાગમાં ફરજ બજાવતાં એવા આશા ફેસિલીટર અને આશા વર્કર જેઓને દૈનીક માનદ વેતન તરીકે પગાર ચુકવાય છે. કોરોના મહામારીમાં પોતાના પરિવાર જોખમમાં મુકી ફરજ બજાવતાં આશા ફેસિલીટર અને આશા વર્કર બહેનોને કોવિડ કેર સેન્ટર ખાતે ફરજ બજાવવી, પોઝિટિવ કેસોની મુલાકાત લેવી તથા પોઝિટિવ કેસોના કુટુંબ વ્યક્તિની મુલાકાત વિગેરે બાબતે લઈને દાહોદ જિલ્લાના આરોગ્ય વિભાગમાં કામ કરતી આ બહેનોમાં કામના ભારણને પગલે અને ઓછા પગારમાં વધુ કામગીરી કરાવાતાં રોષની લાગણી ફેલાઈ છે.

વીમો તેમજ જરૂરી સેફ્ટી, સાધનો, પીપીઈ કીટ આપતા નથી

બહેનોને વીમો તેમજ જરૂરી સેફ્ટી, સાધનો, પીપીઈ કીટ નહીં અપાતાં ગુજરાત જનરલ કામદાર એસોસિએશનના નેજા હેઠળ આવેદન પત્ર આપવામાં આવ્યુ છે. આવેદનપત્રમાં આક્ષેપો કરવામાં આવ્યાં છે. સેફ્ટી, સાધનો, પીપીઈ કીટ તેમજ પોતાના વિવિધ પડતર પ્રશ્નો તેમજ માંગણી નહીં સંતોષાય તો ટુંક સમયમાં અચોક્કસ મુદતની હડતાળ પર ઉતરવાની ચીમકી પણ ઉચ્ચારવામાં આવી હતી.