અનાસ નદીના બેટ પર 5 યુવાનો ફસાયા, જે પૈકી એક યુવાન પાણીમાં તણાયો

દાહોદ જિલ્લાના ઝાલોદ તાલુકાની અનાસ નદીમાં અસ્થિ વિસર્જન કરવા ગયેલા ઠુંથી કંકાસિયા ગામના 6 યુવાનો ફસાયા હતા. નદીનું વહેણ અચાનક જ વધી જતા યુવાનો ફસાઇ ગયા છે. જે પૈકી એક યુવાન નદીમાં પ્રવાહમાં તણાઇ જતા મોત થયું હતું. જ્યારે એક યુવાન પાણીના પ્રવાહમાં તરીને બહાર આવી ગયો હતો. જેથી તેનો બચાવ થયો હતો. જ્યારે 4 યુવાનો નદીની વચ્ચે બેટ ઉપર ફસાઇ ગયા છે. ઘટનાની જાણ થતાં જ પ્રાંત અધિકારી, તાલુકા વિકાસ અધિકારી, મામલતદાર અને પોલીસ ઘટના સ્થળે પહોંચી છે.

ફસાયેલા યુવાનોને બચાવવા રેસ્ક્યૂ ઓપરેશનની કામગીરી

યુવાનોને બચાવવાની કામગીરી શરૂ કરાઇ
અનાસ નદીમાં બેટ પર ફસાયેલા 4 યુવાનોએ બુમાબુમ કરતા આસપાસના લોકોએ તુરંત જ પોલીસને જાણ કરી હતી. જેથી અધિકારીઓ અને પોલીસની ટીમ સ્થળ પર પહોંચી છે અને યુવાનોને બહાર કાઢવા માટે રેસ્ક્યૂ ઓપરેશન કરવાની કામગીરી શરૂ કરવામાં આવી છે. લુણાવાડાથી NDRFની ટીમ રવાના થઇ ગઇ છે. ઝાલોદ નગરપાલિકાની ટીમ હાલ ઘટના સ્થળે હાજર છે અને બચાવ કામગીરી માટે દાહોદ તથા દેવદઢ બારીયા પાલિકાની ટીમ બોલાવવામાં આવી છે.

યુવાનો બેટ પર ફસાતા લોકો જોવા માટે પહોંચી ગયા

0