દાહોદ જિલ્લાના દેવગઢ બારિયા તાલુકાના બૈણા ગામના નિશાળ ફળિયામાં રહેતા સબુરભાઇ શંકરભાઇ પટેલ ગતરોજ બપોરના એક વાગ્યાના અરસામાં પોતાની જીજે-20-એજી-8435 નંબરની બાઈક લઇને જતા હતા. તે સમય દરમિયાન શીંગેડી ગામે રસ્તામાં રસ્તામાં શૌચક્રિયા માટે બાઈક રોડની બાજુમાં ઉભી રાખી હતી. તે દરમિયાન જીજે-20-એપી-8430 નંબરની બાઈકના ચાલકે પોતાનું વાહન પૂરઝડપે અને ગફલતભરી રીતે હંકારી લાવી રોડની બાજુમાં ઉભેલા સબુરભાઇને અડફેટમાં લઇ અકસ્માત કરી બાઈક લઇને નાસી ગયો હતો.

આ અકસ્માતની જીવલેણ ઘટનામાં સબુરભાઇ પટેલને ગંભીર ઇજાઓ થતાં મોત નિપજ્યું હતું. આ સંદર્ભે જુવાનસિંગભાઇ શંકરભાઇ પટેલે અજાણ્યા બાઈક વિરૂદ્ધ દેવગઢ બારિયા પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરવામાં આવી હતી.