ધાનપુર તાલુકાના વાંદર માળીના રમેશભાઇ બારીયા (પટેલિયા) તથા છોકરો રોહિત બન્ને બાપ બેટા બાઇક પર ધાનપુર સાસરીમાં જવા નિકળ્યા હતા. તે દરમિયાન વેડ ગામે રોડ પર બાઇક આગળ કુતરૂ આવી જતાં રમેશભાઇએ સ્ટેરીંગ ઉપરથી કાબુ ગુમાવી દેતાં મોટર સાયકલ સ્લીપ ખાઇ જતાં બન્ને બાપ બેટા પટકાયા હતા. જેમાં રમેશભાઇને શરીરે ગેબી ઇજાઓ થઇ હતી. તેમજ તેમના છોકરા રોહિતને માથામાં તથા કપાળના ભાગે ઇજાઓ થતાં બેભાન થઇ ગયો હતો. અકસ્માત સર્જાતા ભેગા થયેલા ટોળામાંથી કોઇકે 108ને જાણ કરતાં તે આવી જતાં ઇજાગ્રસ્ત રોહિતને દેવગઢ બારિયા ખાનગી દવાખાને અને ત્યાંથી વડોદરા સારવાર માટે લઇ જવામાં આવ્યા હતા. આ સંદર્ભે રમેશભાઇ બચુભાઇ બારીયાએ દેવગઢ બારિયા પોલીસ મથકે જાણ કરતાં પોલીસે કાર્યવાહી કરી હતી.