પ્રતિકાત્મક તસવીર

ઝાલોદ તાલુકાના ખરસાણા ગામના સુધીરભાઇ નરેન્દ્રભાઇ કટારા તથા તેમના પત્ની તેજલબેન બન્ને જણા જીજે-20-એકે-0007 નંબરની મોટર સાયકલ ઉપર ઝાલોદ જવા માટે નિકળ્યા હતા. ત્યારે સાંજના મુનખોસલા ગામે હોળી પપળી બસ સ્ટેશન પાસે જીજે-20-એજી-1943 નંબરની મોટર સાયકલના ચાલકે પોતાનું વાહન પુરઝડપે અને ગફલતભરી રીતે રોંગ સાઇડમાં હંકારી સુધીરભાઇની મોટર સાયકલને ટક્કર મારતાં પતિ-પત્ની નીચે પટકાયા હતા. જેમાં સુધીરભાઇને માથાના ભાગે તથા મોઢાના ભાગે ગંભીર ઇજાઓ અને ડાબા હાથે ફ્રેક્ચર થયુ હતું.

અકસ્માત કરનાર બાઇક ચાલક પોતાનું વાહન મુકી ભાગી ગયો હતો. ઇજાગ્રસ્ત સુધીરભાઇને 108 દ્વારા ઝાલોદના ખાનગી હોસ્પિટલમાં સારવાર માટે ખસેડાયા હતા. આ સંદર્ભે તેજલબેન સુધીરભાઇ કટારાએ અજાણ્યા બાઇક ચાલક વિરૂદ્ધ ફરિયાદ નોંધાવતાં પોલીસે કાર્યવાહી હાથ ધરી હતી.