દાહોદ જિલ્લાના ઝાલોદ તાલુકાના ચિત્રોડીયા ગામના સડીયાભાઇ નરસીંગભાઇ બરજોડ તથા તેમનો ભાણેજ બીપીનભાઇ બાબુભાઇ વગેલા બન્ને જણા મોટીબારા ભાણેજ નિશાના ઘરેથી જીજે-20-એપી-2414 નંબરની એક્ટિવા ઉપર આવતાં હતા. ત્યારે સાંજના અરસામાં મોટી બારા ત્રણ રસ્તા પાસે એક્ટિવા રોડની સાઇડમાં ઉભી કરી સડીયાભાઇ શૌચક્રિયા માટે ગયા હતા અને ભાણેજ બીપીન ગાડી પાસે ઉભો હતો. તે સમયે ઝાલોદ તરફથી આવતી જીજે-20-એએ-0779 નંબરની બાઈકના ચાલકે પોતાની બાઈક ગફલતભરી રીતે હંકારી લાવી એક્વિટાને જોશભેર ટક્કર મારતા બિપીન ઉપર પડતાં દબાઇ જતાં હાથે તેમજ શરીરે ઇજાઓ થઇ હતી. આ સંદર્ભે ફતેપુરા પોલીસ મથકે ગુનો નોંધાવ્યો હતો.