નાનીકુણી ગામે એક નંબર વગરના ડમ્પરના ચાલકે બાઇક સવાર દંપતિને અડફેટમાં લીધુ હતું. દંપતિને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચી હતી. બંનેને સારવાર અર્થે ખસેડાયા હતાં. નાનીકુણી ગામે બારીયા ફળિયામાં રહેતા રમેશભાઈ બારીયા તથા તેમની પત્નિ મંજુલાબેન બારીયા મોટરસાઈકલ પર સવાર થઈ નાનીકુણી ગામેથી પસાર થઈ રહ્યાં હતાં. તે સમયે નંબર વગરના ડમ્પરના ચાલકે હંકારી લાવી મોટરસાઈકલ પર સવાર દંપતિને અડફેટમાં લીધુ હતું.

દંપતિ મોટરસાઈકલ પરથી ફંગોળાઈ જમીન પર પટકાયા હતાં. જેથી બંનેને શરીર, હાથે પગે તેમજ માથાના ભાગે ગંભીર જીવલેણ ઈજાઓ થતાં નજીકના દવાખાને ખસેડવામાં આવ્યાં હતાં.હાલ આ દંપતિ દવાખાનામાં સારવાર હેઠળ હોવાનું જાણવા મળ્યુ છે.આ સંબંધે નાનીકુણી નાનીકુણી ગામે રહેતાં રમેશભાઈ કાળુભાઈ બારીયાએ લીમડી પોલીસ મથકે ફરિયાદ નોંધાવી છે.