બજારમાં તેલના ડબ્બા લીકેજ થતા બજારમાં ચીકણાશ ફેલાઈ.

દાહોદના ધમધમતા વેપારી વિસ્તાર નેતાજી બજારમાં મંગળવારે સવારના સમયે પસાર થતા એક ટેમ્પામાંથી તેલના ડબ્બા ઢોળાતાં રસ્તા ઉપર તેલની રેલમછેલ સર્જાઈ હતી. શહેરના મુલ્લાજી બજાર સ્થિત એક પેઢીમાં ઓર્ડરના તેલના ડબ્બા લઈને હનુમાન બજાર તરફથી આવતા એક ટેમ્પોમાં ભરેલાં ડબ્બાઓ અથડાતાં તે પૈકી કેટલાક ડબ્બામાંથી અચાનક તેલ લીકેજ થઈ રસ્તા ઉપર રેલાતા અનેક સ્કૂટરચાલકો સ્લીપ થતા ટ્રાફિકજામના દ્રશ્યો સર્જાયા હતા. લોકોએ ચીકણા રસ્તે ધૂળ નાખીને રસ્તાને પુન: યથાવત્ કર્યો હતો.