પ્રતિકાત્મક તસ્વીર

ખરગોનના વાડ ગામના સુરેશ માહીલ તથા મિત્ર ગંગારામ બન્ને જણા તા.12મી નવેમ્બરના રોજ સવારે બાઇક પર વાંસવાડાના મહુડી ગામે ગંગારમના સંબંધીના ઘરેથી નીકળ્યા હતા. તે દરમિયાન ઇકોના ચાલકે પૂરઝડપે હંકારી લાવી ગંગારામની બાઈકને અડફેટે લઇ અકસ્માત કરી ભાગી ગયો હતો. આ દરમિયાન ગંગારામની બાઈક પાછળ આવતાં કેરમસિંહ તથા નરેશભાઇએ બાઇક ઉપર તેનો પીછો કરતા ચાલક વરોડ ટોલનાકા પર ગાડી મુકી ભાગી ગયો હતો.

અકસ્માતમાં ગંગારામને ઇજાઓ થતા 108 દ્વારા દાહોદ સરકારી ઝાયડસ હોસ્પિટલ ખાતે અને વધુ સારવાર માટે વડોદરાનો રીફર મેમો આપ્યો હતો પરંતુ તેમની સાથેના લોકો મધ્યપ્રદેશના બુરહાનપુર ખાતે સારવાર માટે લઇ ગયા હતા. આ સંદર્ભે સુરેશભાઇ નીકામભાઇ માહીલે લીમડી પોલીસ મથકે અજાણ્યા કાર ચાલક વિરૂદ્ધ ફરિયાદ નોંધાવી હતી.