ઝાલોદ તાલુકાના રૂખડી ગામે મોટરસાઈકલના ચાલકે મોટરસાઈકલ પુરઝડપે હંકારતા આગળ જતાં ડી.જેના ટેમ્પા સાથે ભટકાતા અકસ્માત કર્યો હતો. જેમાં મોટરસાઈકલ ચાલકને શરીરે તેમજ માથાના ભાગે ગંભીર ઈજાઓ પહોંચતા તેનું મોત નીપજ્યુ હતુ. જ્યારે પાછળ બેઠેલા એકને પગના ભાગે ઈજા થઈ છે.

લીમડી પોલીસ મથકે ફરિયાદ નોંધાવતા પોલીસે ગુનો નોંધી તપાસ હાથ ધરી

સંજેલી તાલુકાના કરંબા ગામે છાયણ ફળિયામાં રહેતા અમિત ભગોરા (ઉ.વ.28) અને તેમની સાથે સંદિપ મોટરસાઈકલ લઈ રૂખડી ગામેથી પસાર થઈ રહ્યાં હતા. તે સમયે અમિતે મોટરસાઈકલ પુરઝડપે હંકારતા આગળ જતો એક ડી.જે.ભરેલ ટેમ્પાને પાછળથી મોટરસાઈકલ ધડાકાભેર ભટકાવતાં અકસ્માત થયો હતો.

આ અકસ્માતમાં અમિતને શરીરે તેમજ માથાના ભાગે ગંભીર ઈજાઓ પહોંચતાં ઘટના સ્થળ પર જ મોત નીપજ્યું હતું. જ્યારે પાછળ બેઠેલા સંદિપને પગના ભાગે ફ્રેક્ચર થયું હતું. આ સંબંધે કરંબા ગામે છાયણ ફળિયામાં રહેતા મનુભાઈ ભગોરાએ લીમડી પોલીસ મથકે ફરિયાદ નોંધાવતાં પોલીસે ગુનો નોંધી આગળની તપાસ હાથ ધરી છે.