પ્રતિકાત્મક તસવીર.

દાહોદ જિલ્લાના ઝાલોદ તાલુકાના અલીફનગર કસ્બા વિસ્તારમાં રહેતો સજ્જાદ સમીઉલ્લા શેખ ગત તા.29 ડિસેમ્બરના રોજ તેના મિત્રની જીજે-20-એએન-3814 નંબરની મોટર સાયકલ લઇને તેના પિતા સમીઉલ્લા શેખને કાંકણવાડી નોકરીના સ્થળે મુકવા જતો હતો. ત્યારે ચિત્રોડીયા હનુમાન મંદિરની ટેકરી નજીક અચાનક રોડની વચ્ચે ઢોર આવી જતા મોટર સાયકલ ઉપરથી કાબુ ગુમાવી દેતાં અચાનક બ્રેક મારતા બન્ને પિતા પુત્ર મોટર સાયકલ સાથે પડી ગયા હતા.

જેમાં પાછળ બેઠેલા સમીઉલ્લા હબીબુલ્લા શેખ ફેંકાઇ રોડ ઉપર પડી જતાં ડાબો પગ અને જમણો હાથ ભાંગી ગયો હતો. આ દરમિયાન ભેગા થયેલા લોકોએ 108ને જાણ કરી બોલાવી ઇજાગ્રસ્તને ઝાલોદ સરકારી દવાખાને પ્રાથમિક સારવાર આપ્યા બાદ વધુ સારવાર માટે રિફર કરતાં દાહોદ ઝાયડસ હોસ્પિટલ ખાતે ખસેડવામાં આવ્યા હતા. આ સંદર્ભે ઝાલોદ પોલીસ મથકે ફરિયાદ આપતાં પોલીસે કાર્યવાહી હાથ ધરી હતી.